ЖБЖ

(Подвижной отряд заграждения (ПОЗ))

мина жарылғыш бөгеттер орнатуға арналған инженерлік әскерлер бөлімшелерінен (бөлімдерінен) құрлық әскерлерінде құрылған уақытша әскери құрылым. Олар әскерлердің ұрыстық ретінің элементі болып табылады. Ж.б.ж. механикаландыру құралдарын қолдана отырып, қарсыластың шабуыл және қарсы шабуыл бағыттарындағы жергілікті жерді танкіге қарсы және жаяу әскерге қарсы миналармен миналайды, өз әскерлерінің жазылу шептеріне, бөлімдер мен құрамалардың ашық қапталдарына, олардың аралықтары мен түйіскен жерлеріне, сонымен қатар теңіз жағаларының учаскелеріне, суда, қарсыластың десант түсіруі анықталған бағыттарда және т.б. жерлерде бөгеттер орнатады. Ж.б.ж. өз міндеттерін орындауда жалпы әскери бөлімшелермен (бөлімдермен), танкіге қарсы күштермен бірлескен түрде, ал кейбір жағдайларда өз алдына қимылдайды.